Новости

Ысык-Көл өнүктүрүү фондунун жардамы менен Караколго 250 орундуу тигүү цехи ачылды.

Бүгүн, 18- октябрь күнү Каракол шаарында ОсОО " Салкын " Ысык-Көл филиалынын ачылышы болду.
Ачылуу аземине КР Президентинин Ысык-Көл облусундагы ыйгарым укуктуу өкүлүнүн биринчи орун басары Улан Далиев,Ысык-Көл өнүктүрүү фондусун башкаруу боюнча дирекциясынын директору Самат Медеров, Каракол шаарынын мэри Эрмат Джумаев катышты.
Цехти ачууга Ысык-Көл өнүктүрүү фонду тарабынан 30 млн сом 5 жылга пайызсыз берилди.
"Фонд азыр киреше алып келүүчү, жумуш ордун түзүүчү долбоорлорду каржылоодо. Максатыбыз жер жерлерде иш орундарын түзүү. Эгер тургундарыбыз жеринде иш орундары менен камсыздалса, чет жерден жумуш издеп кетүү өңдүү көптөгөн көйгөйлөр чечилет"- дейт Ысык-Көл өнүктүрүү фондусун башкаруу боюнча дирекциясынын директору Самат Медеров.
Маалым болгондой 2021-жылы фонддун колдоосунда облуста бул өңдүү 12 тигүү цехтери ачылып, 1200 жумуш орундары түзүлгөн.
Караколдогу бул тигүү цехинде 250 адам иш менен камсыз болот. Алардын басымдуусун өздөрү окутуп, кесипке үйрөтүп алышкан.
"Ар бир жумушчу менен эмгек келишими түзүлөт. Жумушчуларга баардык шарттарды түзгөнгө аракет кылып жатабыз. Эки маал ысык тамак берилет. Ошондой эле жаңы келген кыз келиндерди атайы окутуп, даярдап алабыз. Эмгек акылары айына 15 миң сомдон 50 миң сомго чейин алашыт. Келечекте дагы 500-1000 орундуу ишканаларды ачууга мүмкүнчүлүктөр бар"- дейт ишкана жетекчиси Адилет Койчубеков.
Белгилей кетсек, бул филиалдан чыккан продукциялар Россия, Казакстан, Белоруссия өлкөлөрүнө экпортко жөнөтүлөт.

“КАРАКОЛ” МАМЛЕКЕТТИК ЖАРАТАЛЫШ ПАРКЫНДА КӨЧӨТ ОТУРГУЗУУ АКЦИЯСЫ.
2022-жыл ​ “Тоолордун экосистемасын ​ коргоо жана климаттык туруктуулук жылынын” алкагында ​ жана “Жашыл мурас” улуттук өнөктүгүн аткаруу максатында “Каракол” мамлекеттик жаратылыш паркында көчөт отургузуу иш-чарасы болуп өттү. Ага ​ Ысык-Көл облусун өнүктүрүү фондусунун кызматкерлери катышып, карагай көчөттөрүн отургузушту. Жалпысынан ​ 200 ашуун облустук мекеменин кызматкерлери катышып, 7000 көчөт отургузулду.

ЫСЫК-КӨЛ ОБЛУСУН ӨНҮКТҮРҮҮ ФОНДУН БАШКАРУУ БОЮНЧА ДИРЕКЦИЯСЫНЫН 2022-ЖЫЛДЫН ЯНВАРЬ-СЕНТЯБРЬ АЙЫНА КАРАТА АТКАРГАН ИШТЕРИ БОЮНЧА МААЛЫМАТ.
2022-жылдын январь-сентябрь айларында Ысык-Көл облусун өнүктүрүү фондун башкаруу боюнча дирекциясы тарабынан төмөндөгүдөй жумуштар аткарылды. 2022-жылга карата Ысык-Көл облусун өнүктүрүү фондусунун Байкоочу кеңеши тарабынан бекитилген план 962 722,2 миң сомду түзгөн. Бул акча каражатынын ичине 2021-жылдын планынан калдык 77,1 млн.сом акча каражаты кирет. Пландык көрсөткүч 77,5 пайызга аткарылды, тактап айтканда 559 698,1 миң.сом каржыланып берилди. Ошону менен бирге, 2022-жылдын 15-февралында Кумтор ишканасы менен макулдашылган жана каржы булагы ушул эле жылдын март айында башталган. Ошондон улам, 2022-жылдын январь-сентябрь айларына карата “Кумтөр Голд Компани” ишканасы тарабынан Ысык-Көлдү өнүктүрүү фондусуна 604,3 млн сом акча каражаты түшкөн.
2022-жылы 9 айына Байкоочу кеңеш тарабынан бекитилген пландын жана каржыланган акча каражатынын тармактарга бөлүнүшү (млн.сом)
Билим берүү тармагы 99 142,8
Саламаттыкты сактоо тармагы 19 609,5
Маданият тармагы 16 449,6
Спорт тармагы 16 344,4
Жол жана суу менен камсыздоо 69 558,4
Өздүк салым менен камсыздоо 61 533,0
Киреше алып келүүчү долборлорго 193 340,0
Башка тармактарга 83 720,4
Баардыгы 559 698,1
2022 жылы Фонд тарабынан бардыгы болуп 185 объектиде курулуш жана ондоо иштери жүрүп жатат. Ошондой эле, 9 ай аралыгында фондтун эсебинен каржыланып Балыкчы шаарындагы 4 чакырым жол бүткөрүлдү, Жети-Өгүз районунун Боз-Бешик айылындагы эски маданият үйүн бала бакча кылып реконструкциялоо иштери аяктады. Тоң районунун Шор-Булак айылындагы мектептин актовый залынын курулушу аяктап колдонууга берилди. Каракол шаарынын коопсузду аймак долбоорун колдоо максатында 2,5 млн.сом өздүк салым катары каржыланды. Ал эми Ак-Суу районунун коопсуз аймак долбоорун колдоо максатында 2 млн сом бөлүнүп берилди. Жолголот айылындагы бала бакчасына 8,0 млн.сомдон ашык акча каражаты каржыланып оңдоо иштери аяктап колдонууга берилди. Ой-Тал айылындагы бала бакчанын оңдоо иштери аяктап, колдонууга берилди. Байзак айылындагы кичи футбол аянтчасынын курулуш иштери аяктады. Ысык-Көл районунун Темир айылындагы жаңы конуштун электр системасын орнотуу иштери бүткөрүлдү. Корумду айылындагы эски баня ФАПка реконструкцияланып бүткөрүлдү. Ошондой эле, Кароол-Дөбө айылындагы кичи футбол аянтчасы курулуп, колдоонууга берилди. Каракол шаарынын жолдорду тейлөөчү муниципалдык ишканасына 2 оор техника сатылып алынды. Ал эми жашылдандыруу боюнча муниципалдык ишканасына 1 техника алынып берилди. Жалпы техникаларга каржыланган сумма 26 млн. сомду түздү. Ак-Суу районунун айыл аймактарына 4,5 млн.сомго 1 даана погрузчик жана 1 жаан кылып сугаруу агрегаттар 8,3 млн сомго сатып алынып берилди.
Жалпысынан 2022-жылдын январь-сентябрь айлары боюнча сатып алуу, оңдоп-түзөө жана курулуш объектилери боюнча 85 объектинин иштери аткарылып колдонууга берилди.