КЫЗЫЛ КИРПИЧ ЧЫГАРУУЧУ ЗАВОД КУРУЛУУДА.
Түп районунун Күрмөнтү айылынын тургуну Т.Абдраев кызыл кирпич чыгаруучу чакан завод курууда. Ал 2022-жылы Ысык-Көл облусун өнүктүрүү фондусуна долбоор менен кайрылып 7 млн 500 мин сом пайызсыз насыя алган. Алган каражатын кирпич өндүргөн ишкана ачууга жумшап, тийиштүү жабдыктарды жана техника сатып алган. Учурда ишканада 10 кызматкер иштейт. Ал эми завод толук кандуу ишке киргенде кызматкерлердин саны көбөймөкчү. Ишкердин айтымында Ысык-Көл облусунда кирпич өндүргөн ишканалар жокко эсе. Андыктан суроо-талап жогору болуп, курулушчулар борбор калаадан ташып келүүгө аргасыз болууда. Жаны ишкананын ишке кириши менен сапаттуу жана баасы салыштырмалуу арзан болгон кирпичтер чыгарыла баштарын ишкер кошумчалады.
АК-СУУ РАЙОНУНУН ЧЕЛПЕК АЙЫЛЫНА ЖАНЫ АТАЙЫН ТЕХНИКА ТАПШЫРЫЛДЫ.
Ысык-Көл облусун өнүктүрүү фондусунун жана Кумтор Голд Компани ишканасынын колдоосу менен Челпек айылына жол тейлөөчү техника алынып берилди. Техниканын жалпы баасы 8,5миллион сом жана 2023-жылы чыгарылган. Анын ичинен 2 млн.сом Кумтор Голд Компани тарабынан ал эми калган сумма Ысык-Көл облусун өнүктүрүү фондусунан бөлүнгөн. Аталган жол тейлөөчү техника айыл элинин көйгөйүн чечүү менен бирге 80 чакырымдан ашуун ички жолдорун тейлемекчи. Техниканы ташпыруу аземине Кыргыз Республикасынын Президентинин Ысык-Көл облусундагы ыйгарым укуктуу өкүлүнүн биринчи орун басары Уланбек Далиев, Ысык-Көл облусун өнүктүрүү фондусунун башкы адиси Исламбек Дюненбаев, Ак-Суу райондук мамлекеттик администрация башчысы-аким Мунарбек Насиров жана айыл тургундары катышышты. Аталган айыл аймакта 8 миӊге жакын адам жашайт, Челпек, Таш-Кыя, Бурма-Суу айылдары кирет.
